Happy New Year!
Wishing y'all the best for the year to come. And what an awesome start to it too - it's raining outside and I love it. What better time than now to post up lyrics?

My fellow ghazal-lovers, sit back and enjoy :)

Ranjish Hi Sahi
Dil Hi Dukhanay Kay
Liye Aa

Aa Phir Say Mujhay Chor Kay
Jaanay Kay Liye Aa

Ranjish Hi Sahi
Dil Hi Dukhanay Kay Liye Aa

Pehlay Say Marasim Na Sahi
Phir Bhi Kabhi To

Rasm-e-Rah-e-Duniya
Hi Nibhaanay Kay Liye Aa

Ab Tak Dil-e-Khush Feham Ko
Tujh Say Hain Umeedain

Yeh Aakhri Shamain Bhi
Bujhanay Kay Liye Aa

Kis Kis Ko Batayen Gay
Judai Ka Sabab Hum

Tu Mujhsay Khafa Hai To
Zamaanay Kay Liye Aa

Ek Umar Say Hoon
Lazzat-e-Girya Say Bhi Mehroom

Ay Raahat-e-Jaa'n
Mujhko Rulaanay Kay Liye Aa

Kuch To Meray
Pindar-e- Mohabbat Ka Bharam Rakh

Tu Bhi To Kabhi
Mujhko Manaanay Kay Liye Aa

Maana Kay Mohabbat Ka
Chupaana Hai Mohabbat

Chup Kay Say Kisi Roz
Jataanay Kay Liye Aa

Jesay Tumhain Aatay Hain
Na Aanay Kay Bahaanay

Aisay Hi Kisi Roz
Na Jaanay Kay Liye Aa


- Ranjish Hi Sahi, Mehdi Hasan